ALERT: Patuloy ang panghaharass ng AFP/PNP sa Karapatan ST

Patuloy pa rin ang panghaharass ng 85th Infantry Batallion at mga lokal na PNP sa Lopez, Quezon sa pamilya at miyembro ng Quick Reaction Team (QRT) ng Karapatan ST na nagtungo sa lugar upang imbestigahan ang nangyaring engkwentro sa gitna ng militar at mga rebolusyonaryo noong January 29, 2023. Maliban sa patuloy na pagharang sa QRT sa napakaraming checkpoints, pagpapatang ng iba't ibang violations sa kanilang mga sasakyan, at sapilitang pagpapaamin sa kanila na miyembro sila ng NPA, ngayon naman ay tahasang nilalabag ng AFP/PNP ang karapatan ng pamilya sa pribasiya at payapang pagluluksa.

Ito ay malinaw na manipestasyon ng hindi pagsunod sa International Humanitarian Law na nagbibigay ng karapatan sa mga namatay sa isang marangal at disenteng libing.